INTERNATIONAL NEWS

Russian President Vladimir Putin, sisipot sa Russia-ASEAN Summit

Russian President Vladimir Putin

Kinumpirma ng Kremlin na dadalo si Russian President Vladimir Putin sa gaganaping summit sa pagitan ng Russia at ng Association of Southeast Asian Nations o ASEAN.

Nabatid na magaganap ang naturang pagpupulong sa Kazan, Russia mula Hunyo 17 hanggang 19.

Inaasahan namang dadaluhan ni Pangulong Ferdinand Marcos Jr. ang naturang summit bilang chairman ng ASEAN ngayong taon.

Ayon naman sa mga pag-uulat, dadalo rin si Putin sa ilang bilateral meeting sa pagitan ng ilang ASEAN member nations. — sa panulat ni Anjo Riñon

June 15, 2026 0 comment

FOREIGN INTERNATIONAL NEWS

PAGBANGGAAN NG MGA PROTESTANTE AT PULIS, 7 PATAY SA PAKISTAN-ADMINISTERED KASHMIR

written by DWIZ 882

Patay ang pitong raliyista at pitong pulis matapos magsagupaan sa isang demonstrasyon sa Azad Kashmir, Pakistan nitong Lunes, Hunyo 8.

Ayon sa mga otoridad, sugatan din ang mahigit apatnapung demonstrador at dalawampu’t tatlo sa hanay ng pulisya.

Isinagawa ang nasabing protesta ng mga tagasuporta ng Joint Awami Action Committee na nananawagan ng reporma sa ekonomiya at pamahalaan, kahit na ipinagbawal na ito sa ilalim ng kanilang anti-terrorism laws.

June 9, 2026 0 comment

FOREIGN INTERNATIONAL NEWS

ICC PROSECUTOR, SINUSPINDE SA PWESTO KAUGNAY NG MGA ALEGASYON NG SEXUAL HARASSMENT

written by DWIZ 882

Sinuspinde ng international criminal court ang kanilang chief prosecutor na si karim khan habang hinihintay ang desisyon ng mga miyembrong estado kaugnay ng mga alegasyon ng sexual harassment laban sa kanya.

Ayon sa governing body ng ICC, isinailalim si khan sa labing-walong buwang imbestigasyon matapos siyang akusahan ng isang abogado sa kanyang tanggapan hinggil sa non-consensual sexual interactions.

Batay sa imbestigasyon ng executive bureau ng korte, nakagawa si khan ng seryosong misconduct.

Gayunman, mariing itinanggi ni khan ang mga paratang.

Samantala, inaasahang pagbobotohan ng isandaan dalawanpu’t limang miyembrong bansa ng ICC ang posibilidad ng kanyang pagtanggal sa puwesto sa mga susunod na panahon. —sa panulat ni Reabelle Medina

June 9, 2026 0 comment

INTERNATIONAL NEWS SPORTS

ALEX EALA, TATANGGAP NG HIGIT P2-MILYON MATAPOS MAGKAMPEON SA BIRMINGHAM OPEN

written by DWIZ 882

Makakatanggap si Alex Eala ng mahigit P2 milyon na premyo matapos masungkit ang kampeonato sa Birmingham Open sa England.

Naitala ng 21-anyos na Filipina tennis star ang mahirap na 5-7, 6-3, 7-5 panalo laban kay Nikola Bartunkova upang masungkit ang kanyang ikalawang WTA title sa loob ng dalawang taon.

June 9, 2026 0 comment

INTERNATIONAL NEWS NATIONAL NEWS SPORTS

ALEX EALA, PASOK NA SA BIRMINGHAM OPEN FINALS

written by DWIZ 882

Pasok na si Filipina tennis sensation Alex Eala sa finals ng Birmingham Open.

Ito’y matapos niyang talunin si Swiss player Rebeka Masarova sa score na 6-2, 4-6, 6-3 sa semifinals ng naturang palaro.

Bago nito, dalawang beses pang naantala ang laro dahil sa ulan, ngunit nanaig pa rin si Eala sa huli.

Ayon kay Eala, masaya siya na makatuntong sa finals ng Birmingham Open sa unang pagkakataon, ngunit aminado ring nahirapan siyang talunin si Masarova, na kasalukuyang world number 132 sa WTA rankings.

Makakatunggali naman ni Eala ang Czech tennis player na si Nikola Bartunkova sa finals ng Birmingham Open mamayang gabi, oras sa Pilipinas. — sa panulat ni Anjo Riñon

June 7, 2026 0 comment

ENTERTAINMENT FOREIGN INTERNATIONAL NEWS SHOWBIZ

SANDARA PARK, ITINALAGANG AMBASSADOR NG OVERSEAS KOREANS AGENCY NG SOUTH KOREA

written by DWIZ 882

Itinalaga ng pamahalaan ng South Korea si 2NE1 member Sandara Park bilang Public Relations Ambassador ng Overseas Koreans Agency.

Sa kanyang Instagram post, nagpasalamat si Sandara na binigyan siya ng isang mahalagang tungkulin na katawanan ang ahensyang nakatutok sa mga Koreanong nasa ibayong dagat.

Inalala rin ni Dara ang kanyang mga karanasan sa simula ng kanyang personal na buhay at showbiz career, lalo na ang kanyang buhay sa Pilipinas, na nagsisilbi anyang pundasyon ng pag-intindi niya sa buhay ng mga overseas Korean communities sa buong mundo.

Dahil dito, nangako si Sandara na gagawin niya ang lahat upang maging tulay sa pagitan ng mga overseas Koreans at ng pamahalaan ng South Korea. — sa panulat ni Anjo Riñon

June 7, 2026 0 comment

FOREIGN INTERNATIONAL NEWS NATIONAL NEWS

TATLONG PILIPINO SA KUWAIT, SUGATAN MATAPOS ANG DRONE STRIKE NG IRAN

written by DWIZ 882

Batay sa mga lokal na ulat, kabilang sila sa mahigit animnapung nasugatan sa pag-atake ng Iran sa naturang bansa.

Nauna na ring iniulat ang pagkasawi ng isang Indian national sa nasabing drone strike.

Ayon sa Department of Migrant Workers, idinala sa ospital ang dalawa sa mga nasaktang Pilipino dahil nakalanghap sila ng usok, habang kinailangan namang tahiin ang mga sugat ng ikatlong Pilipino sa ulo at kamay.

Dagdag pa ni Migrant Workers Secretary Hans Leo Cacdac, patuloy nilang mino-monitor ang sitwasyon sa Kuwait.

Payo naman ng DMW sa mga Pilipinong nasa Kuwait na manatili sa loob ng kanilang mga bahay at iwasan ang paglabas. — sa panulat ni Anjo Riñon

June 7, 2026 0 comment

INTERNATIONAL NEWS

SC ASSOCIATE JUSTICE: HINDI NA KAILANGAN NG WARRANT MULA SA PILIPINAS PARA SA MGA KASO NG ICC

written by DWIZ 882

Naninindigan si Supreme Court Associate Justice Alfredo Benjamin Caguioa na hindi na kailangan ng panibagong arrest warrant mula sa isang local court para sa pag-aresto sa mga personalidad na may kaso sa International Criminal Court.

Ito ang naging dahilan ni SC Associate Justice Caguioa sa kanyang concurring opinion para ibasura ang hiling na temporary restraining order at status quo ante order ni Senador Ronald “Bato” dela Rosa laban sa ICC arrest warrant laban sa kanya.

Nabatid na isa si Atty. Caguioa sa apat na associate justices na nagsulat ng kani-kanilang concurring opinions na pumapabor sa pagbabasura ng interim relief para kay Senador dela Rosa.

Kasama ng hukom sina Senior Associate Justice Marvic Leonen, at Associate Justices Rodil Zalameda at Maria Filomena Singh. —sa panulat ni Mark Terrence Molave

May 26, 2026 0 comment

INTERNATIONAL NEWS

PINAKAMALAWAK NA PAGSABOG SA COAL MINE SA CHINA SA ILANG TAON, HINDI BABABA SA 82 ANG PATAY — MGA OPISYAL

written by DWIZ 882

Nasa walumpu’t dalawa katao ang namatay, habang mahigit isandaan dalawampu ang isinugod sa ospital, bunsod ng naganap na gas explosion sa isang coal mine sa Shanxi Province, China.

Daan-daang rescuers at medical personnel ang idineploy sa Liushenyu Coal Mine sa Changzhi City para sumaklolo sa tinatawag na deadliest explosion sa bansa.

Ayon sa Chinese authority, nagkaroon ng seryosong paglabag ang operator ng coal mine company, na kasalukuyang iniimbestigahan.

Samantala, iniutos naman ni Chinese President Xi Jinping ang mas maigting na rescue operation para mahanap ang mga nawawala pang biktima. —sa panulat ni Mark Terrence Molave

May 24, 2026 0 comment

EVENTS FEATURES INTERNATIONAL NEWS

YAMANG-DAGAT, PROTEKTAHAN; CORAL REEF RESEARCH HUB, BINUKSAN SA HAINAN, CHINA

written by DWIZ 882

Inilunsad kamakailan sa lungsod ng Sanya, Hainan, China ang isang makabagong pasilidad na nakatuon sa pananaliksik at pangangalaga ng coral reef. Pinangungunahan ito ng Sanya Coral Reef Research Institute, na layuning paigtingin ang siyentipikong pag-aaral, internasyonal na kooperasyon, at rehabilitasyon ng yamang-dagat sa rehiyon.

Ang bagong sentro ay binubuo ng tatlong pangunahing yunit:

• Coral Reef Germplasm Laboratory, para sa pagpapanatili at pagpaparami ng mga coral species;

• Marine Eco-Environmental Stressors Laboratory, na tututok sa pag-aaral ng mga salik na nakaaapekto sa kalusugan ng karagatan;

• at Marine Environmental Monitoring Station, para sa tuloy-tuloy na pagbabantay sa kondisyon ng kapaligiran sa dagat.

Ayon sa pamunuan ng institusyon, layunin ng proyekto na suportahan ang pangmatagalang kaunlaran ng mga baybaying komunidad at palakasin ang kapasidad ng bansa sa konserbasyon ng marine biodiversity.

Itinuturing itong mahalagang hakbang sa mas malawak na layunin ng China na mapangalagaan ang mga likas na yaman nito, sa gitna ng lumalalang banta ng climate change at polusyon sa karagatan.

August 20, 2025 0 comment

Newer Posts

Older Posts