Bagong panuntunan sa mga laging late sa sesyon ipinatupad

Ilang kongresista ang bigong makapasok sa plenaryo sa ikalawang araw ng second regular session ng 17th Congress.

Kasunod ito nang pagpapatupad ng liderato ng kamara sa memorandum na inisyu noong Mayo 22 hinggil sa paghihigpit sa attendance sa sesyon sa plenaryo.

Nakasaad sa memorandum na nabuo sa isinagawang all party caucus na simula July 25 ay sisimulan ang roll call eksaktong alas-4:00 ng hapon.

Kasabay nito, ipapasara rin ang lahat ng entrance papasok sa plenaryo at bubuksan lamang pagkatapos ng roll call.

Nangangahulugan itong absent na ang mga kongresistang mapagsasarhan ng pintuan.

Kahapon o ikalawang araw nang pagbabalik ng sesyon, nasa kabuuang dalawandaan at dalawampu’t anim (226) ang kongresistang nagpakita sa Kamara.

By Judith Larino  

Comments

comments