Inaasahang lolobo sa 104 na milyon ang populasyon ng bansa ngayong taon.
Ayon kay Commission on Population Executive Director Juan Antonio Perez III, ito ay dahil sa 1.5 milyong mga sanggol ang inaasahang ipapanganak ngayong taon.
Aniya, ang naturang paglaki ng populasyon ay nakasalalay sa may 23 milyong mga kababaihan edad 15 hanggang 49 na itinuturing na reproductive age.
Ngunit taliwas sa inaasahang paglobo ng populasyon, bumaba ang fertility rate ng bansa o ang bilang ng anak na ninanais ng isang babae.
Kung noong 2010 ay mayroong fertility rate na 1.9, nitong 2015 ay naging 1.7 na lamang ito.
Ayon sa POPCOM, ibig sabihin nito ay mas marami mga kababaihan ang nagnanais na magkaroon ng konting anak dahil sa sitwasyon ng ekonomiya ng bansa.
By Rianne Briones
