Ibinunyag ng abogado ni dating Ako Bicol Party-list Rep. Zaldy Co na natatakot ang kanyang kliyente na magpakita sa publiko dahil sa mga natatanggap nitong pagbabanta sa kanyang buhay.
Ayon kay Atty. Ruy Rondain, ikinatatakot din ng dating congressman ang posibleng “vigilante attacks” sakaling umuwi siya sa bansa.
Kasabay nito, iginiit ng abogado na hindi tumatakas ang dating kongresista sa imbestigasyon kaugnay sa maanomalyang flood control project.
Sinabi rin ni Atty. Rondain na huli niyang nabalitaan na nasa Boston sa Amerika ang kanyang kliyente para sa pagpapagamot nito.
Nabatid na idinidiin si dating Rep. Co sa kontrobersyal na flood control projects dahil sa sinasabing pagtanggap nito ng kickbacks.
—Sa panulat ni John Riz Calata
