Kapwa bumaba ang trust at performance ratings nina Pangulong Ferdinand Marcos Jr. at Vice President Sara Duterte sa ikatlong quarter ng 2025.
Batay sa pinakahuling Tugon ng Masa survey ng OCTA Research, bumaba sa 57 percent ang trust ratings ni Pangulong Marcos, mas mababa ng 7% kumpara sa 64 percent noong Hulyo 2025.
Bumaba naman ng 8 points ang performance ratings ng Pangulo mula 62% nitong Hulyo ay bumagsak ito sa 54%.
Samantala, sumadsad naman sa 51% ang trust ratings ni VP Sara, mas mababa sa 54% noong ikalawang quarter ng taon.
Habang bahagya namang bumagsak sa 49 percent ang performance ratings ng Bise Presidente, kumpara sa 50% noong Hulyo 2025.
Isinagawa ang survey sa 1,200 respondents sa buong bansa, sa pamamagitan ng face-to-face interviews mula noong Setyembre 30 hanggang Oktubre 4
