Nanguna ang Pilipinas bilang bansang pinaka-apektado ng pagbaha mula sa isandaan siyamnapu’t tatlong bansa sa mundo.
Batay sa 2025 World Risk Index, kabilang ang Pilipinas sa most vulnerable country dahil sa mataas na geographic fragmentation nito, at matinding exposure sa extreme weather events.
Lumitaw rin sa ulat na pangunahing dahilan nito ang kakulangan sa maayos na drainage system, at hindi planadong urban development ng bansa.
Dahil dito, ilang mga mambabatas ang nanawagan na palakasin ang paggamit ng nature-based solutions upang mapigilan ang pagbaha at sabay na mapangalagaan ang kalikasan.
Kasama rin sa panawagan ang pagsugpo sa korapsyon sa mga flood control projects na nagpapahina sa kakayahan ng bansa laban sa kalamidad.
—Sa panulat ni Jordan Gutierrez
