Pinaalalahanan ng Department of Environment and Natural Resources ang publiko na nagnanais umakyat sa Mt. Pulag sa Benguet.
Kasunod ito ng pagbagsak sa zero degrees celcius ang temperatura sa nasabing bundok nitong mismong araw ng Pasko.
Ayon kay Emerita Abas, Superintendent Park Ranger sa Mt. Pulag reservation, tiyaking malakas ang pangangatawan bago umakyat sa bundok.
Masyado kasing manipis ang hangin sa tuktok ng pulag na makasasama sa mga may problema sa puso at paghinga tulad ng hika.
Kaya naman, kakailanganin nilang kunin ang medical clearance mula sa mga hikers para masigurong physically fit sila para akyatin ito.
Ang Mt. Pulag sa benguet ang pinakamataas na bundok sa luzon na may kabuuang taas na 2,922 meters above sea level.
By: Jaymark Dagala
