Nagnegatibo sa coronavirus disease 2019 (COVID-19) test si Vice President Leni Robredo at iba pang tauhan ng kanyang tanggapan.
Sumalang sa COVID-19 test ang bise presidente at mga tauhan nito makaraang magpositibo ang apat sa staff ng Office of the Vice President.
Pansamantalang sarado ang tanggapan ni Robredo upang bigyang daan ang disinfection at contact tracing.
Sa statement na ipinalabas ng tanggapan ni Robredo, sinabi nila na batid nila ang panganib na mahawaan sila ng virus sa kanilang mga aktibidad subalit hindi anila ito hadlang sa pagpapatuloy ng kanilang paghahatid ng ayuda at iba tulong sa mga mamamayang apektado ng COVID-19 pandemic.
