Pinaghahandaan na umano ng Vietnam ang China kayat pinabibilis ang modernisasyon ng military force nito
Target ng Vietnam na banggain ang higanteng China sa gitna nang tumitinding tensyon sa mga pinag-aagawang teritoryo sa South China Sea.
Inilagay na sa high combat readiness ang mga pangunahing unit ng Hanoi kabilang ang elite force na division 308 na siyang nagbabantay sa northern border kung saan naroon ang China.
Nilinaw naman ng isang senior official ng Vietnam military na hanggat maaari ay nais niyang pairalin ang diplomasya subalit mas mabuti aniyang handa pa rin sila.
Bumili na rin ang Vietnam ng anim na advanced kilo class submarine mula sa Russia at isa sa mga ito ay nagsimula nang magpatrolya sa South China Sea.
By Judith Larino
Photo Credit: rappler.com
