Isa ang naitalang nasawi sa magkasunod na malalakas na lindol sa probinsya ng Hormozgan na sakop ng Iran.
Ayon sa Iranian Seismological Center, unang naitala sa lugar ang magnitude 6.4 na lindol na sinundan pa ng magnitude 6.3 na lindol na may lalim na 15 kilometro.
Nabatid na ang nasawi ay isang 22-anyos na lalaki matapos mahulog sa isang poste ng kuryente.
Dahil dito, nasira ang ilang mga gusali at bahay matapos ang lindol.
Ayon kay Iranian Red Crescent Chief Mehdi Valipour, nagdeploy na sila ng mga tauhan upang suriin o alamin ang danyos sa naganap na lindol sa lugar. —sa panulat ni Angelica Doctolero
