Inihayag ng Food and Drug Administration (FDA) na pinag-aaralan na umano nila ang paggawa ng variant-specific na mga bakuna kontra COVID-19.
Sinabi ni FDA Director-General Eric Domingo na hindi pa nila nakikita ang posibilidad ng pagbibigay ng ikaapat o ika-limang turok ng COVID-19 vaccines.
Ito aniya ay kahit inaaral na ng Pfizer at Moderna ang pagkakaroon ng mga bakunang para sa Omicron variant.
Giit ni Domingo ang ikatlong dose ng bakuna ay sapat bilang proteksyon laban sa mga bagong variant ng COVID-19.
Gayunman, posibleng hindi na aniya matuloy ang pagbuo ng variant specifics na mga bakuna ngayong nagtuturok na rin ng booster shots ang bansa kaya’t maaring hindi na rin lumaki ang epekto ng Omicron variant.