Tungkulin ng gobyernong magpatupad ng mga hakbang na nararapat upang makontrol ang pagtaas ng bilang ng kaso ng coronavirus disease 2019 (COVID-19) sa bansa.
Ito ay ayon kay Senador Ronald “Bato” Dela Rosa, kasunod na rin ng panawagan nitong huwag gawing human rights issue ang utos ni Pangulong Rodrigo Duterte na pag-aresto sa mga face mask violators.
Tiyak din kasi aniyang gobyerno na naman ang sisisihin kapag lumobo muli ang kaso ng virus sa bansa.
Samantala, pinayuhan din ni Dela Rosa ang Pambansang Pulisya na gawin lamang ang kanilang trabaho sa pakikipag-ugnayan sa mga lokal na pamahalaan upang hindi malihis sa isyu ng paglabag sa karapatang pantao ang naturang direktiba ng Pangulong Duterte. —ulat mula kay Cely Ortega-Bueno (Patrol 19)
