Target ng Philippine Statistics Authority (PSA) na ma-encode ang 9 na milyong mahihirap na Pilipino sa ilalim ng Philippine Identification System (PhilSys).
Ayon kay registration team leader Dennis Engina, malaki ang maitutulong nito para matiyak na mapupunta ang tulong ng gobyerno sa mga tunay na nangangailangan sa panahon ng krisis o pandemya.
Sinimulan na ng PSA ang pangangalap ng personal na impormasyon ng mga mahihirap na pamilya sa 32 lalawigan sa bansa bilang bahagi ng pre-registration sa PhilSys.
