Mag-iinvest ang US Government sa Pilipinas ng limang milyong dolyar o katumbas ng halos 287 milyong piso.
Ito ang sinabi ng embahada ng Estados Unidos kasabay ng pagtungo ni US Vice President Kamala Harris sa Pilipinas para sa tatlong araw na pagbisita.
Ipinaabot ng US Government ang tulong para sa roll-out ng COVID-19 vaccine maging ang pagtulong sa Filipino veterans at mga batang nakaligtas sa online sexual exploitation.
Alinsunod naman sa pagkakaroon ng pondo, mamumuhunan din ang US sa Pilipinas ng walong milyong dolyar o katumbas ng halos 459 na milyong piso, para mapigilan ang pagkalat ng anumang sakit, matukoy ito ng maaga at makatugon agad.
Sa ngayon, maliban sa investment ay nagtayo na rin ng bagong opisina ang US Centers for Disease Control & Prevention sa Pilipinas.