Aabot sa mahigit 31 milyong doses ng COVID-19 vaccines ang nasira sa Pilipinas na nagkakahalaga ng 15.6 na bilyong piso.
Ayon kay Health Officer-In-Charge Maria Rosario Vergeire, 24 na milyon sa mga bakuna ay nasira dahil sa maikling shelf life, pitong milyon dahil sa paiba-ibang temperatura habang ang iba ay binuksan pero hindi ginamit.
Sa naturang bilang naman ng nasayang na bakuna, halos 70% ay nabili ng pribadong sektor at lokal na pamahalaan.
Matatandaang una rito, natalakay sa deliberasyon ng pondo sa senado na ang mga nasayang na bakuna ay 12% lamang ng 250 million doses na binili at natanggap ng gobyerno.