Tinatayang 14,000 katao na ang apektado ng pananalasa ng bagyong Odette sa Visayas at Mindanao.
Nasa 98,000 katao naman ang nagsilikas sa Regions 7, 8, 10 at CARAGA.
Ayon sa National Disaster Risk Reduction and Management Council (NDRRMC), pinaka-marami ang naitalang evacuee sa CARAGA, na umabot sa 78,000.
Ito’y makaraang bayuhin ng malakas na ulan at hangin ang naturang rehiyon, partikular ang Siargao Island, Surigao Del Norte, kung saan unang nag-landfall ang bagyo.
Samantala, maraming lugar naman ang nawalan ng supply ng kuryente matapos magbagsakan ang mga poste.