Nakapagtala na ng unang kaso ng pagkasawi dahil sa coronavirus disease 2019 (COVID-19) ang Zamboanga Peninsula.
Ayon kay Zamboanga City Mayor Isabelle “Beng” Climaco, nasawi ang ika pitong naitalang pasyente ng COVID-19 sa lungsod o tinukoy na si ZC07 kaninang madaling araw habang ginagamot sa Zamboanga City Medical Center.
Aniya, si ZC07 ay isang 94 anyos na babae mula sa Veterans Avenue na nasawi dahil sa respiratory failure secondary to pneumonia.
Kaugnay nito, nagpaabot ng pakikiramay at dasal si Climaco sa naulilang pamilya ng nasawing pasyente.
Batay sa pinakahuling datos ng lungsod, nakapagtala na ng walong kumpirmadong kaso ng COVID-19 ang zamboanga city kung tatlo sa mga ito ang nakarekober na sa sakit.
