Inihayag ng Department of Health (DOH) na mayroong 44 na close contacts ang unang kaso ng BA.2.12 Omicron subvariant sa bansa.
Ayon kay Health Undersecretary Maria Rosario Vergeire, sa bilang na ito, siyam ay mula sa Quezon City, lima sa Benguet, at 30 habang lulan ng commercial flight patungong bansa.
Karamihan aniya sa mga close contact ay fully vaccinated na at ang ilan sa mga ito ay negatibo sa COVID-19.
Tiniyak ni Vergeire na patuloy na binabantayan ang mga close contacts at sa ngayon ay wala pa sa mga ito ang nakararanas ng mga sintomas.
Kahapon nang kumpirmahin ng DOH na isang 52 anyos na babaeng taga-Finland, ang unang kaso ng BA.2.12 sa Pilipinas.