Nagsimula nang bumuhos ang tulong mula sa international community para sa Marawi City.
Ayon kay Armed Forces of the Philippines o AFP Spokesman Major General Restituto Padilla, dahil napuksa na ang mga terorista sa lungsod ay umarangkada na rin ang rehabilitasyon at pagbangon ng siyudad.
Nilusaw na din ng AFP ang Joint Task Force Marawi, kasabay ng pagkakabuo naman ng Joint Task Force Ranao na hudyat ng rehabilitation at rebuilding program ng pamahalaan.
Nabatid na kabilang sa mga nagpadala na ng assistance ay ang canada, China, Germany, Korea, India, Thailand, Singapore, United States Agency for International Development o USAID at Association of Southeast Asian Nations o ASEAN Coordinating Center for Humanitarian Assistance on Management.
Ayon kay Kristoffer James Purisima, deputy administrator ng Office of civil Defense, nakatanggap na din ang maraming ahensya ng additional pledges mula sa Australia, Japan, Estados Unidos, European Union o EU, Asian Development Bank, World Bank at United Nations Development Program.
