Bukas na rin ang National Patient Navigation and Referral Center (NPNRC) na dating One Hospital Command Center para sa mga nangangailangan ng tulong medikal.
Ibinahagi ni Dr. Bernadette Velasco, Operations Manager ng NPNRC, na maaari na rin silang makipag-ugnayan sa Malasakit Centers para sa mga nangangailangan ng tulong pinansyal bilang pambayad sa kanilang hospital bill.
Maaari rin aniyang maging tulay ang NPNRC sa kinauukulang ahensya at tanggapan upang mabigyan ng tulong ang mga nangangailangan nating kababayan.
Maaaring kontakin ng publiko ang Smart number na 0919-977-3333 at 0915-777-7777 para sa Globe o tumawag sa 1555 at pindutin lamang ang number 2.
