Muling ipatutupad ng Navotas City ang Truck Ban simula sa Lunes, November 14.
Ayon sa Navotas Local Government, iiral ang truck ban sa ilang kalsada mula Lunes hanggang Sabado maliban kung holidays, tuwing alas-6 hanggang alas-10 ng umaga at alas-4 ng hapon hanggang alas-8 ng gabi.
Ipatutupad ito sa ilang lansangan gaya ng pagbagtas sa; M. Naval St. mula Agora hanggang Bagumbayan-Bangkulasi Bridge; mula C-4 Road hanggang Barangay Tangos North; Pascual St.; C4 Road; at H. Lopez Boulevard.
Sakop ng kautusan ang lahat ng sasakyang may walo o higit pang gulong gaya ng Cargo at Freight Trucks, at mga sasakyang may bigat na 4,500 kilograms tulad ng mga trailers.
