Ipinababasura ng Makabayan Bloc sa Korte Suprema ang Tax Reform for Acceleration and Inclusion o TRAIN Law.
Sa inihain nilang petisyon, hiniling ng mga maka-kaliwang mambabatas na magpalabas ng temporary restraining order o TRO ang Supreme Court upang pigilan ang pagpapatupad sa TRAIN Law na nagkabisa na noong unang araw ng taon.
Iginiit ng Makabayan Bloc na illegal ang ratipikasyon o pagpapatibay na ginawa ng Mababang Kapulungan sa TRAIN Law dahil walang quorum nang isagawa ito.
Kabilang sa mga naghain ng petisyon sina ACT Party-list Representative Antonio Tinio, Bayan Muna Representative Carlos Zarate at Anakpawis Representative Ariel Casilao.
—-
