Arestado ng mga tauhan ng Philippine National Police Anti-Kidnapping Group o PNP AKG ang top 10 most wanted person sa Batangas.
Ito’y kasunod ng ikinasa nilang operasyon sa Pantamnan Resort, Barangay Danak Bunga, Botolan, Zambales.
Kinilala ni PNP AKG Director P/BGen. Jonnel Estomo ang naaresto na si Arnold Acbang sa warrant of arrest dahil sa kasong homicide.
Top 10 Most Wanted sa Batangas, laglag sa kamay ng PNP AKG | via @jaymarkdagala pic.twitter.com/0I1QTkOLXi
— DWIZ Newscenter (@dwiz882) March 3, 2021
Ayon kay PNP AKG spokesperson Police Lieutenant Colonel Ronaldo Lumactod, si Acbang ang itinuturong nasa likod ng pagpatay sa isang Roberto Olarve Jr. sa Calatagan, Batangas noong Oktubre 2019 dahil sa ingit.
Sa kabila ng kaniyang pagtatago sa mga alagad ng batas, tuloy din ang suspek sa paggawa ng krimen sa kabila ng pagtatago nito sa batas.
Pansamantalang nakapiit ang suspek sa Zambales Police Provincial Office bago dalhin sa AKG Headquarters para sa booking procedures.
