Tiwala si World Boxing Organization Light Flyweight Champion Donnie Nietes na mapapabagsak si Flyweight King Juan Francisco Estrada.
Ito ay matapos talunin ni Nietes si Raul Rayito Garcia sa pamamagitan ng Technical Knockout para mapanatili ang kaniyang WBO Junior Flyweight Title.
Sinabi ni Nietes na nais niyang umakyat ng timbang dahil kaya naman aniya niyang lumaban sa Flyweight Division kung saan inaasahang makakasagupa niya si Estrada.
Gayunman, inihayag ni ALA Promotions President at CEO Michael Aldequer na uubra lamang labanan ni Nietes si Estrada matapos ang mandatory defence nito sa kaniyang 108 Pound Belt kontra kay Moises Fuentes sa September 24 na gagawin sa Carson, California.
By: Judith Larino
