Tinatayang 200 katao ang patay matapos gumuho ang isang underground tunnel sa Punggye-ri nuclear test site sa North Korea.
Ayon sa NoKor, naganap ang trahedya habang ginagawa ng mga biktima ang nasabing tunnel sa ilalim ng mount, noong Oktubre 10.
Nagpadala ng mga rescuer sa naturang lugar subalit sa kasamaang palad ay natabunan din ang mga magliligtas sana sa mga biktima.
Pinaniniwalaang ang ika-anim na nuclear test noong Setyembre 3 ang dahilan nang pagguho ng tunnel lalo’t nagdulot ng magnitude 6.3 na lindol ang detonation ng hydrogen bomb.
Samantala, pinangangambahang magkaroon ng radioactive leak sakaling gumuho ang bundok sa nuclear test site.
—-
