Pagpapatibay sa panukalang Taal Eruption Recovery Rehabilitation and Adaptation o TERRA ACT.
Ito ang naging panawagan ni Albay Rep. Joey Salceda kasunod ng muling pag-alburoto ng Bulkang Taal.
Layunin ng naturang panukala, na makabuo ng isang pangmatagalang socioeconomic reconstruction program para sa mga komunidad na naapektuhan ng pag-alburuto ng Taal.
Aniya, ito’y para magkaroon ng development sa labas ng danger zone sa pamamagitan ng paglalagay ng infrastructure support, economic incentives, at policy direction.
Ibinase ni Salceda ang TERRA ACT sa Guinobatan-Camalig-Daraga-Legazpi (GUICADALE) economic township sa Albay.
Gayunman, sinabi ni Salceda na posibleng ang susunod na adminsitrasyon na ang makapagpatupad nito sakaling maisabatas ang panukala.