Nasabat ng militar ang aabot sa 3.4 na milyong pisong halaga ng shabu sa ikinasang buy bust operations sa Pigcawayan, Cotabato.
Ayon kay Western Mindanao Command o Wesmincom Spokesman Major Arvin Encinas, target ng inilunsad na buy bust operation ang mga drug suspects na sina Nards Udto Adtis at isang kinilala lamang sa pangalang ‘Kamid’.
Gayunman, sinabi ni Encinas, tanging si Adtis lamang ang nadakip habang nakatakas naman si alyas ‘Kamid’.
Maliban sa iligal na droga, nakumpiska rin ng militar ang ilang bundle ng pera na nagkakahalaga ng 750,000 piso.
