Papalo na sa 1, 921 technical vocational institutions ang nag-adopt sa Biometric-Enabled Scholarship Registration System (BSRS).
Sinabi ni TESDA director general Isidro Lapeña, sa pamamagitan ng BSRS ay mababawasan ang clerical work ng provincial offices dahil sa pagiging automated.
Nasa 164,628 BSRS accounts ang nalikha para sa mga scholar, habang 6,272 accounts para sa mga trainer.
Ipinaliwanag ni Lapeña na mas mapapaigting ng sistema ang serbisyo ng TESDA lalo’t masisigurong hindi nasasayang ang pondo ng pamahalaan sa scholarship.
Ginagamit ng BSRS ang latest sa facial recognition technology na ipinamamalas sa online registration o application ng mga scholar.