Binuweltahan ng Malakanyang si United Nations High Commissioner on Human Rights Zeid ra’ad Al Hussein matapos na sabihin nitong dapat magpa-psychiatric evaluation si Pangulong Rodrigo Duterte.
Sa isang pulong balitaan sa Iloilo, sinabi ni Presidential Spokesperson Harry Roque na maituturing na pang-iinsulto sa ang naging pahayag ni Zeid, hindi lamang sa mga Filipino kundi maging sa iba pang demokratikong bansa.
Dagdag ni Roque, walang batayan at isang pangdudusta sa soberenya ng Pilipinas ang naging komento ni Zeid na resulta aniya ng pagiging prinsipe nito sa Jordan na isang bansa kung saan hindi binoboto ang mga pinuno.
