Nanguna sina dating Senador Francis Pangilinan at Panfilo Lacson sa pinakabagong senatorial survey ng Social Weather Stations o SWS.
Base sa resulta ng SWS survey, nakakuha si Pangilinan ng 60 percent habang 51 percent ang kay Lacson.
Pumangatlo naman sa survey sina Senador Vicente Tito Sotto III na may 50 percent na sinundan ni Senate President Franklin Drilon na may 42 percent.
Nasa pang-limang puwesto sina Senador Ralph Recto at Bongbong Marcos na kapwa nakakuha ng 41 percent.
Pasok din sina Taguig City Representative Lino Cayetano (40 percent) at Justice Secretary Leila de Lima (33 percent).
Nasa ika-siyam na puwesto sina Senador Sergio Osmeña III at Sarangani Rep. Manny Pacquiao (32 percent), habang nasa number ten spot sina dating Sen. Richard “Dick” Gordon (31 percent) at Sen. Teofisto “TG” Guingona III (28 percent).
By Meann Tanbio
