Arestado na ng Laguna Police ang suspek sa pagpatay sa isang grade 7 student sa Laguna.
Ayon kay Laguna Police Pprovincial Ddirector PCol. Eleazar Mata, nahuli kaninang 4 ng madaling araw ang suspek na si Renz Ivan Balderma sa may Barangay Bucal, Calamba City.
Aniya, may nagbigay ng impormasyon sa pulisya kaugnay sa presensiya ng suspek sa lugar kaya agad nagsagawa ng operasyon para mahuli ito.
Si Balderama ang suspek sa pamamaril sa 15-anyos na grade 7 student na si Mark Anthony Miranda sa loob mismo ng silid-aralan nito.
Mahigit isang linggo din ang isinagawang manhunt operations ng Calamba PNP para maaresto ang suspek na isang security guard.
Kasong murder ang isasampa laban sa suspek dagdag sa kasong sexual abuse na isinampa laban dito noong nakaraang linggo.
with report from Jaymark Dagala (Patrol 9)
