Inihayag ng Department of Health (DOH) na may sapat na suplay ng mga syringes o hiringgilya para sa covid-19 vaccines hanggang sa katapusan ng taon.
Ipinaliwanag ni Health Undersecretary at National Vaccination Operations Center Chairperson Myrna Cabotaje na patuloy pa rin ang pagbili ng mga karagdagang syringes.
Samantala, una nang dumating sa bansa ang dalawang milyong syringes na inorder ng pamahalaan kung saan inaasahan namang darating sa susunod na linggo ang karagdagang dalawang milyong syringes.
Samantala, sinabi pa ni Cabotaje, na posibleng dumating pa ang natitirang apat na pung milyong syringes na binili ng gobyerno sa susunod na taon. — Sa panulat ni Khime Gomez