Sumiklab ang sunog sa loob ng Cavite Processing Zone sa bayan ng Rosario nitong Biyernes ng gabi, Enero 19.
Ayon kay Bureau of Fire Protection (BFP) CALABARZON Regional Director Senior Superintendent Sergio Soriano Jr., umabot sa task force alpha ang alarma ng sunog.
Sinasabing nagsimula ang sunog 9:47 ng gabi at mabilis na lumaki ang apoy.
11:49 ng gabi nang idineklarang kontrolado na ang sunog.
Matatandaang Pebrero ng nakaraang taon nang masunog ang factory sa EPZA Compound sa Cavite kung saan marami ang napaulat na nasaktan.
