Binalaan ni dating Senate President Aquilino Pimentel Jr ang publiko hinggil sa mga panawagan kay Pangulong Rodrigo Duterte na magdeklara ito ng pagtatatag ng isang rebolusyunaryong pamahalaan.
Giit ng dating mambabatas na isa sa mga nagsusulong ng federalismo, hindi basta-basta maaaring baguhin na lang ang saligang batas nang hindi dumaraan sa tama at ligal na proseso.
Ginawa ni Pimentel ang naturang pahayag bilang tugon sa isinagawang mga pagkilos kahapon ng ilang taga-suporta ng administrasyon na nagsusulong ng isang Revgov o Revolutionary Government na naniniwalang sagot ito sa talamak na katiwalian sa gubyerno.
Una nang iginiit ng Pangulo na hindi niya prayoridad sa ngayon ang Revgov dahil maayos pa naman ang takbo ng bansa kaya’t wala siyang nakikitang pangangailangang gawin ito.