Ibinasura na ng Senate Electoral Tribunal o SET ang residency issue na isa sa mga kinukuwestiyon sa quo warranto petition ng isang Rizalito David laban kay Senator Grace Poe.
Sa panayam ng DWIZ, sinabi ng abogado ni Poe na si Atty. George Garcia na iisa na lang ang isyu at ito ay ang citizenship na lamang ng Senadora.
Dahil tapos na ang preliminary conference, kinumpirma rin ni Garcia na magkakaroon na ng pagdinig sa Setyembre 21 ng taong kasalukuyan.
“Masusuwerte ‘yung mga kapatid natin at kasamahan sa media sapagkat mas nabigyan sila ng briefing na may hearing pala sa 21, pero just the same po nakahanda kami doon at ang tatalakayin po diyan ay ang isyu ng citizenship, magtatanong ang mga miyembro at mag-aargue kami kung bakit ang paniniwala namin ay natural born Filipino citizen si Senadora Grace Poe.” Pahayag ni Garcia.
By Jelbert Perdez | Bert Mozo (Patrol 3)
