Nais na paimbestigahan ni Senador Lito Lapid sa mataas na kapulungan ang internet connectivity sa bansa.
Sa inihaing Senate Resolution Number 414 ni Lapid, nais nito na malaman ang bilis o speed ng internet connection sa bansa, ang bandwidth capacity at ibang pang isyu ukol dito ngayo’y sumasailalim na ang bansa sa ‘new normal’ set-up.
Batay kasi sa April 2020 speed test global index, nangulelat ang Pilipinas sa usaping mobile internet speed. Sa 139 na bansang kabilang sa global index, nasa ika-121 ang bansa.
Paliwanag pa ni Senador Lito Lapid, mahalaga ngayon ang internet, dahil sa mga umiiral na contactless o mga online transactions at iba pang aktibidad na nangangailangan ng internet connectivity.
Tulad na lamang ng mga nagtatrabaho sa kani-kanilang bahay o work from home, na polisiya ng ilang kumpanya sa harap ng banta ng coronavirus disease 2019 (COVID-19) pandemic.