Dapat na ipatupad ng lahat local government units ang ”No Vaccine Card, No Entry” sa mga sementeryo sa paggunita ng Undas.
Ito’y ayon kay Dr. Ted Herbosa, Chairman ng emergency medicine ng University of the Philippines-Philippine General Hospital, upang hindi na sumirit muli ang kaso ng COVID-19.
Sinabi pa ni Herbosa na posibleng madagdagan pa ang bilang ng mga tatamaan ng virus dahil hindi maiiwasan ang pagkakaroon ng mga pagtitipon ngayong holiday season.
Kaugnay nito, hinimok ng eksperto ang publiko na magpaturok na ng COVID-19 vaccines at panatilihin ang pagsusuot ng face masks.