Nakatakda nang maghain sa Huwebes ng certificate of candidacy si Liberal Party (LP) standard bearer Mar Roxas kasama ang kanyang running mate na si Camarines Sur Rep. Leni Robredo.
Ayon kay Caloocan City 2nd District Rep. Edgar Erice, Political Affairs Chief ng LP, makakasabay nina Roxas at Robredo sa filing ang kanilang kalabang sina Senators Grace Poe at Chiz Escudero.
Naniniwala naman si Erice na kahit maraming makababangga si Roxas sa pagka-Pangulo ay nananatili itong kampante dahil na rin sa unti-unting pag-angat ng ratings nito sa mga survey.
“Siguro naman po nakikita naman natin na nag-improve, nag-iincrease yung support, ako ang prediction ko by December, tingin ko siya na ang number 1 sa survey.” Pahayag ni Erice.
By Drew Nacino | Karambola
*Photo grabbed from the internet
