Pinapaharap sa pre-trial hearing sa kasong plunder ni Senador Bong Revilla Jr. sina DILG Secretary Mar Roxas, Budget Secretary Butch Abad, Camarines Sur Rep. Rolando Andaya at Commission on Audit chairperson Grace Puilido-Tan.
Nakasaad sa pre-trial brief na isinumite ni Revilla sa 1st Division ng Sandiganbayan, iginiit nito na dapat humarap sa korte sina Roxas, Abad, Andaya, at Tan upang mapatunayan na wala siyang kinalaman sa ibinibintang sa kanya na nakipagtransaksyon umano siya sa mga pekeng Non Government Organization ni Janet Lim Napoles, gamit ang kanyang pork barrel.
Binigyang-diin ni Revilla na kailangang mahingan ng paliwanag ang mga nabanggit na opisyal para makuhanan sila ng pahayag ng depensa.
By: Jill Resontoc (Patrol 7)
