Nagpahayag ng pagsisisi si Presidential Spokesperson Secretary Harry Roque na hindi sya nakapagpaturok ng bakuna kontra COVID-19 noong pasimulan ang vaccination program ng pamahalaan.
Ito’y ayon kay Roque matapos na ianunsyo na siyang dinapuan ng COVID-19.
Giit ni Roque, kung hindi naubusan ng bakuna noon at siya’y naturukan na, panigurado aniya na hindi na siya madadapuan nito.
Dahil dito, pinayuhan ni Roque ang mga health workers sa bansa na magpabakuna na kontra COVID-19 para hindi mahawa sa nakamamatay na virus.
So ang aking pakiusap po doon sa mga medical frontliners, kung mayroon pa ho, kunin niyo na ‘yan. Dahil gaya ko po, nagsisisi na hindi nabigyan ng bakuna noong mga panahon na iyon dahil hindi qualified. E kayo naman ho qualified. Nandyan na po ang bakuna, kunin ninyo na po kaysa ma-include kayo sa datos gaya ko,”ani Roque.
