Ipatutupad ng pamahalaang lungsod ng Mandaluyong ang liquor ban.
Sang-ayon sa memorandum order number 3 ni Mayor Carmelita Abalos, ang naturang hakbang ay bahagi ng kanilang pag-iingat para maiwasan ang pagkalat ng COVID-19.
Epektibo ang liquor ban simula ngayong araw hanggang sa katapusan ng buwan ng Marso.
Ibig sabihin, hindi na pwede ang pag-inom ng anumang uri ng nakalalasing na inumin sa mga pampublikong lugar sa lungsod sa anumang oras.
Samantala, ang mga lalabag sa kautusan ay mahaharap naman sa karampatang parusa.