Inamin ni Ronnie Dayan ang relasyon nila ng kanyang dating boss na si Senador Leila de Lima.
Sa press briefing sa Kampo Krame, sinabi ni Dayan na tumagal ng Pitong (7) taon ang relasyon nila ni De Lima.
Nauna nang inamin ni De Lima na nagkaroon sila ng relasyon ni Dayan noong siya pa ang kalihim ng Department of Justice.
Kasabay nito, nilinaw ni Dayan na walang pulitiko na tumulong sa kanyang pagtatago.
Nanatili aniya siya ng mahabang panahon sa Sitio Turod, Barangay San Felipe sa San Juan, La Union.
Ayon pa kay Dayan, sinubukan din niyang takasan ang mga pulis, pero nahirapan siya dahil sa pananakit ng kanyang mga paa dulot ng arthritis.
By: Meann Tanbio
