Nagpatupad na ng tapyas presyo sa diesel at kerosene ang mga kumpaniya ng langis.
Epektibo alas-12:01 kaninang madaling araw, P0.50 ang tapyas presyo sa kada litro ng diesel ng mga kumpaniyang Petron, Seaoil at Flying V.
Pitumpung sentimos (P0.70) naman ang rollback sa kada litro ng kerosene ng mga nabanggit na oil players.
Alas-6:00 naman kaninang umaga, inilarga ng mga kumpaniyang Shell, Phoenix Petroleum at Total ang P0.50 na rollback sa kada litro ng diesel.
Tanging ang Shell naman sa mga nabanggit ang may rollback na P0.70 sa presyo ng kada litro ng kanilang kerosene.
Una nang nag-anunsyo ng kanilang rollback sa presyo ng kanilang diesel ang kumpaniyang Eastern Petroleum alas-6:00 kagabi.
By Jaymark Dagala
