Diskumpiyado si Senador Allan Peter Cayetano sa lumabas na ulat ng British Broadcasting Corporation o BBC
Kaugnay ito sa umano’y pag-iikot ng isang babaeng hired killer sa Metro Manila para iligpit at itumba ang mga hinihinalang sangkot sa operasyon ng ipinagbabawal na gamot
Magugunitang nakasaad sa nasabing report ang pag-amin ng isang alyas Maria na nagpakilalang hired killer ng mga drug lord kapalit ng Dalawampung libong piso
Ayon kay Cayetano, malabong mangyari aniya ang sinasabi ni alyas Maria sa report ng BBC na nakalalapit sila sa mga drug lord dahil sa kanilang pagiging babae
Ngunit nakatitiyak naman ang Senador na may ilang tao o grupong nagtatangkang siraan ang administrasyon sa international community hinggil sa kampaniya nito laban sa iligal na droga
By: Jaymark Dagala
