Nakarating na sa lalawigan ng Aurora ang grupo ni Department of Interior and Local Government (DILG) Secretary Mel Senen Sarmiento.
Si Sarmiento kasama sina National Disaster Risk Reduction and Management Council (NDRRMC) Executive Director Alexander Pama, DSWD Secretary Dinky Soliman at iba pang opisyal ay sakay ng C-130 nang dumating sa Baler, Aurora.
Ayon kay AFP PIO Chief Col Detoyato, lulan din ng C-130 ang 14,000 food packs at assorted relief goods.
Kasado na ang isasagawang aerial assessment sa lugar na binayo ng bagyong Lando.
Magugunitang hindi itinuloy kahapon ang naturang pagbisita dahil sa masamang panahon.
By Judith Larino | Jonathan Andal
