Siniguro ng BDO UniBank na ibabalik ang halagang nanakaw sa mga kliyente nito sanhi ng Cybersecurity breaches.
Umapela rin ang BDO sa kanilang mga costumer na protektahan ang kanilang mga sarili laban sa panloloko.
Nagpasalamat naman ang pinaka-malaking bangko sa bansa sa kanilang mga kliyente sa kanilang mahabang pasensya at pakikipag-ugnayan upang ma-protektahan ang kanilang Online bank accounts.
Aminado ang BDO na ang paggamit ng “sophisticated fraud technique” ang sanhi ng paglabag sa kanilang Cybersecurity.
Tiniyak din ng BDO na naglagay na sila ng karagdagang security controls upang mapigilan ang mga pagtatangkang panloloko at pagnanakaw kasabay ng paalala sa kanilang customers na laging i-update ang kanilang password para maiwasan ang unauthorized access sa kanilang deposits.
