Ipinaliwanag ni Justice Secretary Jesus Crispin Remulla na ang hindi pagsipot ng testigong si Orly Guteza sa nakatakda nitong pagdalo sa Department of Justice ang dahilan kaya’t hindi kabilang si dating House Speaker Martin Romualdez sa listahan ng mga inirerekomendang makasuhan ng National Bureau of Investigation sa kaso ng maanomalyang flood control projects.
Sa kabila ng pagkakadawit sa pangalan ng dating House Speaker sa kaso, kinakailangan muna aniyang maberipika at sumailalim sa ebalwasyon ang mga paratang at alegasyon na kinakaharap nito para mapabilang sa listahan.
Samantala, nilinaw din ng kalihim na kahit hindi pa napabilang sa listahan ang kasalukuyang Makati City Mayor Nancy Binay, patuloy nilang pinoproseso ang mga nakuhang testimonya mula sa mga testigo laban sa nasasangkot na alkalde.—sa panulat ni Mark Terrence Molave
