Isasailalim na bukas, December 15, 2022 sa full alert status ang Philippine National Police (PNP) kasabay ng pagbubukas ng unang araw ng simbang gabi.
Ayon kay PNP Chief Pol. Gen. Rodolfo Azurin Jr., aabot sa 192,000 o katumbas ng 85% na bilang ng mga pulis ang nakatakdang ipakalat sa iba’t-ibang lugar sa bansa para masiguro ang seguridad ngayong holiday season.
Sinabi ni Azurin, maagang nagsagawa ng christmas party ang buong kapulisan, para paghandaan ang christmas break.
Iginiit ni Azurin, na kailangang magreport ang mga pulis sa pinaka malapit na police station sakaling kailanganin ng publiko ng police response o tulong mula sa mga otoridad.
