Nagluluksa ngayon ang mundo ng showbiz dahil sa pagpanaw ng kilalang komedyante at radio personality na si Carmelito Reyes na mas kilala sa alyas na “Shalala”.
Ayon sa kapatid ni Shalala na si Anthony Reyes, pumanaw ang kaniyang kapatid sanhi ng iniinda nitong sakit na pulmonary tuberculosis.
Naisugod pa sa National Kidney and Transplant Institute (NKTI) si Shalala noong linggo subalit lumabas din ito matapos bumuti ang kalagayan.
Muli naman siyang isinugod kahapon sa Fe del Mundo Medical Center makaraang mahirapang huminga dulot ng nabanggit na sakit.
Kaya naman humihingi ng tulong at dasal si Anthony para sa kanyang kapatid ngayong malaki ang kanilang naging gastusin para sa gamutan.
Si Shalala ay naging anchor ng DWIZ noong 2019 kasama ni Sen. Imee Marcos sa programang “Imee, Sagot”.
