Pormal nang sinampahan ng kasong murder ng pulisya ang may 24 na suspek sa karumal-dumal na pagpatay sa college football athlete na si Kieth Absalon at pinsan nitong si Nolven.
Ito’y matapos maaresto ng mga tauhan ng Bicol PNP ang isa sa mga salarin na kinilalang si Mariel Cañete Suson sa bisa ng warrant of arrest.
Nabatid na si Suson ay anak ni Rogelio Suson alyas manong at Julio na kalihim ng kilusang larangang gerilya ng New People’s Army na kumikilos sa Masbate.
Ayon kay Bicol PNP Director P/Bgen. Jonnel Estomo, hindi nila tatantanan hangga’t hindi nahuhuli ang lahat ng mga bumaril at nagpasabog sa magpinsang Absalon upang makamit ng pamilya nito ang katarungang nararapat para sa kanila.